voilà,je me suis dit qu un peu de beauté ne nous ferait pas de mal dans cette taverne empestée par les orks...
Voilà un des poèmes parmi les plus connus de la littérature francaise: pour moi le plus beau.
La ballade des pendus, l'epitaphe Villon
Frères humains, qui après nous vivez,
N'ayez les cueurs contre nous endurcis,
Car, se pitié de nous povres avez,
Dieu en aura plus tost de vous mercis.
Vous nous voiez cy attachez, cinq,six:
Quant de la chair que trop avons nourie,
El est pieça dévorée et pourrie,
Et nous,les os, devenons cendre et pouldre.
De nostre mal personne ne s'en rie,
Mais priez Dieu que tous nous vueille absouldre.
Se frères vous clamons, pas n'en devez
Avoir desdaing, quoy que fusmes occis
Par justice... touteffois vous sçavez
Que tous hommes n'ont pas le sens rassis.
Excuseznous,puis que nous sommes transis,
Envers le filz de la vierge Marie:
Que sa grace ne soit pour nous tarie,
Nous préservant de l'infernale fouldre.
Nous sommes mors, ame ne nous harie,
Mais priez Dieu quetous nous vueille absouldre.
La pluye nous a débuez et lavez
Et le soleil deseichez et noircis.
Pies, corbeaux nous ont les yeux cavez
Et arraché la barbe et les sourcilz.
Jamais nul temps nous ne sommes assis:
Puis cà, puis là, comme levent varie,
A son plaisir sans cesser nous charie,
Plus becquetez d'oyseaulx que dez a coudre.
Ne soiez donc de nostre confrairie,
Mais priez Dieu que tous nous vueille absouldre.
Prince Jesus, qui sur tous a maistrie,
Garde qu'enfer n'ait de nous seigneurie:
A luy n'ayons que faire ne que souldre.
Humains, icy n'a point de mocquerie,
Mais priez Dieu que tous nous vueille absouldre!
J'aimerai avoir letalent pour faire passer une émotion aussi tragique dans mon écriture.
C est beau,impregnez vous mes amis, impregnez vous...